- Tashkent International University of Education

BAKALAVRIAT

TA’LIM VA TA’LIM JARAYONLARINI BOSHQARISH

DASTURNING MALAKAVIY MAQSADLARI

TIUEning «Ta’lim va ta’lim jarayonlarini boshqarish» dasturi o‘z kelajagini ta’lim va pedagogika sohalari bilan bog‘lamoqchi bo‘lgan insonlarga mo‘ljallangan.
Mazkur dasturning maqsadi keng doiradagi ta’lim tashkilotlarida kasbiy faoliyatni olib boradigan yuqori malakali mutaxassilarni tayyorlash uchun ta’lim menejmenti sohasi bo‘yicha nazariy bilimlarni o‘zlashtirish va amaliy ko‘nikmalarga ega bo‘lish hamda pedagogik kompetentsiyalarni rivojlantirishdan iborat.
«Ta’lim va ta’lim jarayonlarini boshqarish» sohasidagi bakalavriat dasturining o‘quv, uslubiy va ilmiy mazmuni ta’lim tashkilotining samarali faoliyatini ta’minlash uchun ta’lim va o‘quv jarayonlari analitikasi va ekspertizasi, rejalashtirish va boshqarish sohasidagi bilimlar va ko‘nikmalarni o‘stirishga yo‘naltirilgan turli modullarni o‘z ichiga oladi.
Ta‘lim tili: o‘zbek/rus
Ta‘lim shakli: Kunduzgi ta‘lim: dushanba-shanba.
O‘qishni tamomlagandan so‘ng, Ta’lim va ta’lim jarayonlarini boshqarish bo‘yicha bakalavr darajasi (TIUE) diplomi beriladi.

Malakaning tuzilishi quyidagilardan iborat
Malaka uchun jami 480 kredit bo’lgan 27-30 ta majburiy modul.

O’qish muddati :

kunduzgi talabalar 4 yil (oktabrdan iyungacha). Mashg’ulotlar kun davomida ma’ruzalar, o’quv qo’llanmalari, seminarlar, amaliy mashg’ulotlar, mahorat darslari va ishlab chiqarish amaliyoti shaklida olib boriladi.

ZAMONAVIY IMKONIYATLAR DUNYOSIGA ESHIKLARNI OCHING!

USHBU DASTURNI TANLANISH SABABLARI

NAZARIY BILIMLAR VA AMALIY KO’NIKMALAR

Ushbu dastur doirasida TIUE samarali ta’lim dasturlarini amalga oshirish uchun zarur bo‘lgan ta’lim strategiyalarini ishlab chiqish inklyuzivlik va STEAM-ta’limning talablarini inobatga olgan holda o‘quv jarayonlarini rejalashtirish va ta’lim tizimlarini boshqarishda qo‘llaniladigan nazariy bilimlar va amaliy ko‘nikmalarni rivojlantirishga intiladi. Dastur ta’lim tizimida faoliyat olib borayotgan mutaxassislar hamda ushbu sohada lider bo‘lishga intilayotganlar uchun mos keladi.

KUCHLI O’QITUVCHILAR JAMOASI

Mahalliy va xalqaro mutaxassislardan iborat bo‘lgan kuchli professor-o‘qituvchilar tarkibi amaliy ta’lim, ya’ni seminarlar, sayyor mashg‘ulotlar, mahorat darslariga alohida e’tibor qaratishadi. Bu ta’lim jarayoni barcha ishtirokchilarining qizg‘in faoliyatini va ta’lim sohasida ishlaydigan ekspert va professionallardan beqiyos tajribani o‘zlashtirishni ta’minlaydi.

TAN OLINGAN OLIY MA’LUMOT DIPLOMI

Bakalavriatni yakunlagach, bitiruvchilar muvofiq kasbiy tayorlovni olishadi, ikkitali diplom mavjudligi (faqat ingliz tilida tahsil oluvchilar uchun) kelajak karyerada raqobatdosh ustunlikni va chet el mamlakatlarida ta’limni davom ettirish imkoniyatini beradi.

O‘zbekiston Respublikasining «Ta’lim to‘g‘risida»gi qonunining 31-moddasiga binoan, litsenziyaga ega nodavlat oliy ta’lim muassasalari bitiruvchilarining diplomlari O‘zbekiston Respublikasi hududida davlat oliy ta’lim muassasalari diplomi bilan teng tan olinadi (https://lex.uz/uz/docs/-5013007, https://tiue.uz/ru, https://stat.edu.uz/Univer-list.php 8-band)

Ta’limni muvaffaqiyatli yakunlab, talabalar «Ta’lim va ta’lim jarayonlarini boshqarish» sohasida TIUEning bakalavr Diplomini va OTHM darajasi Diplomini (faqat ingliz tilida tahsil oluvchilar uchun) olishadi

KELAJAKDAGI KARYERA

Ta’lim davlat faoliyatining strategik sohasi va iqtisodiyotning jadallik bilan rivojlanayotgan tarmog‘i hisoblanadi, uning asosiy vazifasi – mamlakatning yanada taraqqiy etishi uchun yuqori malakali mutaxassislarni tayyorlash. Dasturning bitiruvchilari milliy va xalqaro darajada ta’limning davlat va xususiy sektorida turli bosqichlarda (maktabgacha, maktab, oliy, maktabdan tashqari, qo‘shimcha ta’lim va hokazo) kasbiy faoliyat olib borish uchun kerakli bilimlarga ega bo‘lishadi. O‘zlashtirilgan bilimlar va ko‘nikmalar ularga ta’lim boshqaruvi sohasida turli ma’muriy lavozimlarida hamda samarador pedagog sifatida ish faoliyatini olib borish uchun imkoniyat beradi.

Ishga joylashish bo‘yicha taxminiy mutaxassisliklar:

Uslubchi;
Maktabda “Tarbiya” fani o’qituvchisi;
Maktabda o‘quv jarayoni mudiri;
Maktab yoki ta’lim markazi direktori;
Ta’lim muassasalarida ma’muriy xodim;
Ta’lim dasturlarini ishlab chiqish bo‘yicha mutaxassis;
STEAM-ta’lim va elektron pedagogika bo‘yicha mutaxassis.

OTHM

Ushbu malaka Ofqual (Malaka va imtihonlarni tartibga solish bo‘yicha boshqarma) tomonidan ma’qullangan va tartibga solinadi. Tahsil oluvchilar Buyuk Britaniyada uch yillik bakalavriat dasturining ikkinchi kursiga to‘g‘ridan-to‘g‘ri topshirish huquqiga ega.

Rauf Rustamovich Bekbayev,
«Ta’lim va ta’lim jarayonlarini boshqarish» kafedrasi mudiri
Falsafa doktori (PhD) ilmiy darajasi – O‘zbekiston Milliy universiteti, 2023y.

TA'LIM DASTURI

1-KURS

Zamonaviy maktabda o’qituvchining roli, akademik yozuv va tadqiqot ko’nikmalari, matematika asoslari, kompyuter texnikasi asoslari, pedagogika va psixologiyaga kirish modullari bo‘yicha bazaviy ko‘nikmalarga ega bo‘lish. Milliy va xorijiy ta’lim tizimlari asoslarini, O‘zbekistonni jahon ta’lim makoniga integratsiyasini hamda ta’lim sohasidagi ilg‘or xorijiy tajribani tatbiq etish imkoniyatlarini o‘rganish.

2-KURS

Komparativistik pedagogika, ta’lim psixologiyasi, milliy tarbiya asoslari, pedagogika va pedagogik texnologiyalar, menejment asoslari, pedagogik mahorat bo‘yicha nazariy bilimlar va amaliy ko‘nikmalarni rivojlantirish hamda ta’limda boshqaruv faoliyat bilan tanishish. Bundan tashqari, boshqaruv va pedagogik faoliyat bo‘yicha bazaviy ko‘nikmalarga ega bo‘lish uchun ta’lim muassasasida amaliyotni o‘tash ko‘zda tutilgan.

3-KURS

4-KURS

Maktabda pedagogik menedjment, electron pedagogika, kreativ pedagogika, o’quv materiallarni ishlab chiqish, maktabda STEAM-ta’lim metodologiyasini batafsil o‘rganish orqali o‘zlashtirilgan bilimlar va ko‘nikmalarni mustahkamlash. Ta’limda menejment ko‘nikmalari va pedagogik mahoratni rivojlantirish uchun amaliyotni o‘tash ko‘zda tutilgan.

Kunduzgi ta'lim

O'QUV REJA

kunduzgi ta'lim

1-KURS
1-SEMESTR
1) Zamonaviy maktabda o’qituvchining roli (20-kredit)
2) Akademik yozuv va tadqiqot ko’nikmalari (10-kredit)
3) Matematika asoslari (20-kredit)
4) Kompyuter texnikasi asoslari (10-kredit)
5) O’zbekistonning eng yangi tarixi (10-kredit)
2-SEMESTR
6) Psixologiyaga kirish (20-kredit)
7) Pedagogikaga kirish (20-kredit)
8) Bilish nazariyalari (10-kredit)
9) Falsafa (10-kredit)
10) Dinshunoslik (10-kredit)

2-KURS
3-SEMESTR
1) Komparativistik pedagogika (20-kredit)
2) Ta’lim psixologiyasi (20-kredit)
3) Milliy tarbiya asoslari (20-kredit)
4-SEMESTR
4) Pedagogika va pedagogik texnologiyalar (20-kredit)
5) Menejment asoslari (20-kredit)
6) Pedagogik mahorat (20-kredit)

3-KURS
5-SEMESTR
1) Bilimlarni baholash strategiyalari va usullarini ishlab chiqish (10-kredit)
2) Inklyuziv ta’lim. Gospital pedagogika (20-kredit)
3) Maktabda pedagogik menedjment (20-kredit)
4) Tarbiya fanini o’qitish metodikasi (20-kredit)
6-SEMESTR
5) Ta’limda tadqiqot usullari (20-kredit)
6) Ta’lim tadqiqotlari uchun ma’lumotlarni tahlil qilish (20-kredit)
7) Bilimlarni samarali baholashning maqsad va tamoyillari (10-kredit)
8) Kreativ pedagogika (10-kredit)

4-KURS
7-SEMESTR
1) Elektron pedagogika (20-kredit)
2) O’quv materiallarini ishlab chiqish (10-kredit)
3) Maktabda STEAM ta’limi (20-kredit)
8-SEMESTR
4) Malakaviy amaliyot (20-kredit)
5) Bitiruv malakaviy ish (20-kredit)

Eslatma.
Universitet O‘quv rejaga o‘zgartirish va qo‘shimchalar kiritish huquqiga ega. O’quv reja ta’lim tiliga qarab farq qilishi mumkin. Ushbu dastur uchun sirtqi ta’lim shakli mavjud emas.

PROFESSOR-O’QITUVCHILAR TARKIBI Batafsil ma’lumot ›

Bekbaev Rauf Rustamovich ,
«Ta’lim va ta’lim jarayonlarini boshqarish» kafedrasi mudiri
Falsafa doktori (PhD) darajasi –
Mirzo Ulug‘bek nomidagi O‘zbekiston Milliy universiteti, 2023 y

Saidova Kamola Uskanboevna ,
«Ta’lim va ta’lim jarayonlarini boshqarish» kafedrasi professori
Fan doktori (DSc) – Mirzo Ulug‘bek nomidagi O‘zbekiston Milliy universiteti, 2022 y

Mamajonova Shaxzodaxon Yokubjon qizi ,
«Ta’lim va ta’lim jarayonlarini boshqarish»kafedrasi o‘qituvchisi
Psixologiya magistri – Mirzo Ulug‘bek nomidagi O‘zbekiston Milliy universiteti, 2022

Davydova Rufina Arturovna ,
«Ta’lim va ta’lim jarayonlarini boshqarish» kafedrasi o‘qituvchisi
Falsafa magistri – Mirzo Ulug‘bek nomidagi O‘zbekiston Milliy universiteti, 2023 y

O'quv yili uchun

O'QISH UCHUN TO'LOV

Dasturlar

Ta’lim shakli

O‘qish davomiyligi (o‘quv yili)

To’lov-kontrakt miqdori

O‘ZBEK VA RUS TILIDAGI DASTURLAR

INGLIZ TILIDAGI DASTURLAR

Mahalliy
talabalar uchun
(ming so’m)

Xorijlik talabalar uchun
(USD)

Mahalliy
talabalar uchun
(ming so‘m)

Xorijlik talabalar uchun
(USD)

Ta’lim va ta’lim jarayonlarini boshqarish

Kunduzgi

18 000 000

1 400

25 000 000

2 000

*) Xorijiy talabalar O‘zbekiston hududida ta’lim uchun to‘lovni O‘zbekiston Respublikasi Markaziy banki tomonidan to‘lov kuni holatida belgilangan kurs bo‘yicha AQSh dollarida amalga oshirishadi. O‘zbekiston hududidining tashqarisida to‘lov AQSh dollarida belgilangan summada amalga oshiriladi.

QABUL TALABLARI

O'qishning birinchi yiliga qabul

Kerakli hujjatlar:

Umumiy o‘rta ta’lim (11-sinf negizida) yoki o‘rta maxsus, kasb-hunar ta’limi muassasasini tugatganligi haqidagi hujjat (ilovasi bilan);
3×4 o’lchamdagi fotosurat, oq fonda

Akademik talablar:

Ichki imtihondan muvaffaqiyatli o’tish:

matematika;

tanlangan ta’lim tili bo‘yicha tilni bilish (o‘zbek yoki rus yoki ingliz yoki IELTS 5.0 sertifikati va undan yuqori YOKI ekvivalenti) ichki imtihonlaridan muvaffaqiyatli o‘tish.

TIUE dasturlari bo‘yicha o‘qish uchun abituriyentlar FAQAT UNIVERSITETNING RASMIY SAYTI ORQALI ONLAYN ARIZANI TOPShIRIShLARI LOZIM (www.tiue.uz)

Agar Siz dunyoni o‘zgartirmoqchi bo‘lgan lider bo‘lishga intilayotgan bo‘lsangiz, «Ta’lim va ta’lim jarayonlarini boshqarish» dasturiga ariza topshiring.

APPLY NOW O`QISH UCHUN TO’LOVLAR