enuzru

  

Bakalavr dasturi

FILOLOGIYA VA TILLARNI O'QITISH

DASTURNING MALAKAVIY MAQSADLARI

TIUEning “Filologiya va tillarni o‘qitish” qo‘shma dasturi rus va ingliz tillari fanlari  pedagogi sifatida o‘z kelajagini ta’lim sohasi bilan bog‘lashni istaganlar uchun mo‘ljallangan.

Mazkur dastur bo‘yicha o‘qitishdan maqsad rus va ingliz tillari bo‘yicha nazariy bilimlarni o‘zlashtirish va amaliy ko‘nikmalarni egallash hamda maktab ta’limida pedagogik faoliyatni amalga oshirish uchun yuqori malakali mutaxassislarni tayyorlashda pedagogik kompetensiyalarni rivojlantirishdan iborat.

“Filologiya va tillarni o‘qitish” yo‘nalishi bo‘yicha bakalavriat dasturining o‘quv, uslubiy va ilmiy mazmuni rus va ingliz tillarini o‘qitish sohasida bilim va ko‘nikmalarni shakllantirishga qaratilgan turli modullarni o‘z ichiga oladi. 
Ta’lim tili: RUS
O‘qish kunlari: Kunduzgi ta’lim: dushanbadan shanbagacha
O‘qishni tugatgandan so‘ng “Filologiya va tillarni o’qitish” yo‘nalishi bo‘yicha Bakalavr diplomi beriladi (TIUE).

Malakaning tuzilishi quyidagilardan iborat
Malaka uchun jami 480 kredit bo’lgan 27-30 ta majburiy modul.
 
O’qish muddati :
 

  • kunduzgi talabalar 4 yil (oktabrdan iyungacha). Mashg’ulotlar kun davomida ma’ruzalar, o’quv qo’llanmalari, seminarlar, amaliy mashg’ulotlar, mahorat darslari va ishlab chiqarish amaliyoti shaklida olib boriladi.

ZAMONAVIY IMKONIYATLAR DUNYOSIGA ESHIKLARNI OCHING!

USHBU DASTUR TANLANISH SABABLARI

1NAZARIY BILIMLAR VA AMALIY KO‘NIKMALAR

Ushbu dastur orqali TIUE zamonaviy taʼlim talablarini hisobga olgan holda rus va ingliz tillarini oʻqitishning samarali jarayonini amalga oshirish uchun zarur boʻlgan taʼlim strategiyalarini ishlab chiqishda foydalaniladigan nazariy bilim va amaliy koʻnikmalarni rivojlantirishga intiladi.
Shuningdek, ushbu dastur ta’lim sohasida faoliyat olib borayotgan mutaxassislar hamda ushbu sohada yuqori malakali pedagog bo‘lishga intilayotganlarga mos keladi.

2KUCHLI O‘QITUVCHILAR JAMOASI

Mahalliy va xalqaro mutaxassislardan iborat bo‘lgan kuchli professor-o‘qituvchilar tarkibi amaliy va sayyor mashg‘ulotlar, seminarlar, mahorat darslariga alohida e’tibor qaratishadi, bu esa o‘z navbatida ta’lim jarayonining barcha ishtirokchilari o‘rtasida jadal hamkorlikni va ta’lim sohasidagi amaliyotchi ekspertlar va mutaxassislarning beqiyos tajriba almashinuvini ta’minlaydi.

3TAN OLINGAN OLIY MA’LUMOT DIPLOMI

Bitiruvchilar bakalavriat bosqichini tamomlagandan so‘ng tegishli kasbiy pedagogik tayyorgarlikka ega bo‘ladilar va “Filologiya va tillarni o‘qitish” yo‘nalishi bo‘yicha oliy ma’lumot to‘g‘risidagi diplomga ega bo‘ladilar.

O‘zbekiston Respublikasi “Ta’lim to‘g‘risida”gi Qonunining 31-moddasiga muvofiq, litsenziyaga ega nodavlat oliy ta’lim muassasalari bitiruvchilariga beriladigan diplom (https://lex.uz/ru/docs/5013009, https://tiue.uz/ru, https://stat.edu.uz/Univer-list.php 8-bandi) O‘zbekiston Respublikasi hududida davlat oliy ta’lim muassasalari diplomi bilan teng ravishda tan olinadi.

4KELAJAKDAGI KARYERA

Zamonaviy globallashuv davrida tillarni bilish har qanday soha mutaxassisi uchun muhim kompetensiya hisoblanadi. Tillarni o‘rganish maktabdan boshlanadi va bu jarayonning sifati va samaradorligini ta’minlash lingvistik va madaniyatlararo kompetensiyaning asosi – mutaxassisning muhim moslashuvchan ko‘nikmalaridan biridir. Tilshunos-pedagoglarga ta’lim xizmatlari bozorida va boshqa turli segmentlarda juda katta ehtiyoj mavjud. Dastur bitiruvchilari maktab ta’limi sohasidagi kasbiy-pedagogik faoliyat uchun zarur bo‘lgan bilimlarga ega bo‘ladilar, shuningdek, tegishli magistratura mutaxassisligi bo‘yicha o‘qishni davom ettirishlari mumkin bo‘ladi.

Ishga joylashish mumkin bo‘lgan mutaxassisliklar:
  • Rus tili va adabiyot o‘qituvchisi;
  • Ingliz tili va adabiyot o‘qituvchisi;
  • Qo‘shimcha ta’lim tizimida pedagog;
  • Korrektor

Bekbaev Rauf Rustamovich ,
Bo’lim boshlig’i
«TAʼLIM VA TAʼLIM JARAYONINI BOSHQARISH»
Falsafa doktori (PhD) darajasi –
Mirzo Ulug‘bek nomidagi O‘zbekiston Milliy universiteti, 2023 yil

TA'LIM DASTURI

1- KURS

Til tarixi, tilshunoslikka kirish, fonetika, ritorika, madaniyatlararo muloqot nazariyasi, rus dialektologiyasi, rus tili leksikologiyasiga oid modullarni o’rganish orqali rus tili, pedagogika va psixologiya sohasidagi fundamental bilimlarni egallash. Bu kurs umumiy pedagogika va umumiy psixologiya fanlaridan bilimlarni ham egallashni nazarda tutadi.

2-KURS

Sintaksis va punktuatsiya, zamonaviy tilshunoslikning yo‘nalishlari, tilshunoslikning falsafiy jihatlari, morfemika, so‘z tuzilishi, ingliz tilining nazariy va amaliy grammatikasi va fonetikasi kabi modullar asosida nazariy bilimlar va amaliy ko‘nikmalarni rivojlantirish.

3-KURS

Ingliz va rus tillarining morfologiyasi, stilistikasi, til nazariyasi, ingliz tili leksikologiyasi, adabiyotini o‘rganish bilan olingan bilim va ko‘nikmalarni chuqurlashtirish. Bundan tashqari, ushbu kurs og‘zaki va yozma nutq amaliyotini, shuningdek, ingliz tilining kommunikativ amaliyotini o’z ichiga oladi.

4-KURS

Xorijiy tillarni o‘qitishning zamonaviy tendensiyalari, bilim nazariyasi, o‘quv materiallarini ishlab chiqish modullarini chuqur o‘rganish bilan bilim va ko‘nikmalarni oshirish, shuningdek, badiiy matn tahlili bo‘yicha amaliy mashg‘ulotlar o‘tkazish. Ushbu kursda ingliz va rus tillarida o‘qitish usullari hamda o‘qitish amaliyotiga oid modullar ham mavjud. Ta’lim bitiruv malakaviy ishni tayyorlash va himoya qilish bilan yakunlanadi.

O'QUV REJASI

kunduzgi ta'lim

1-KURS
1-SEMESTR
1) Tilshunoslikga kirish (10-kredit)
2) Rus tili fonetikasi (20-kredit)
3) Rus tili ritorikasi (20-kredit)
4) Ma’daniyatlararo muloqot nazariyasiga kirish 10-kredit)
5) O’zbekistonning eng yangi tarixi (10-kredit)
2-SEMESTR
6) Rus tili dialektologiyasi (20-kredit)
7) Rus tili leksikologiyasi (20-kredit)
8) Umumiy pedagogika (10-kredit)
9) Umumiy psixologiya (10-kredit)
10) Til tarixi (10-kredit)

2-KURS
3-SEMESTR
1) Zamonaviy tilshunoslikning yo’nalishlari (10-kredit)
2) Falsafa / Философия (10-kredit)
3) Rus tilida morfemika va so’z shakllanishi (10-kredit)
4) Ingliz tilining nazariy grammatikasi (20-kredit)
5) Ingliz tilining nazariy fonetikasi (20-kredit)
4-SEMESTR
6) Ingliz tilining amaliy grammatikasi (20-kredit)
7) Ingliz tilining amaliy fonetikasi (20-kredit)
8) Rus tili sintaksisi (10-kredit)
9) Dinshunoslik (10-kredit)

3-KURS
5-SEMESTR
1) Rus tili punktuatsiyasi (10-kredit)
2) Rus tili morfologiyasi (10-kredit)
3) Ingliz tili stilistikasi (20-kredit)
4) Rus tili stilistikasi (20-kredit)
6-SEMESTR
5) Til nazariyasi (10-kredit)
6) Ingliz tili leksikologiyasi (20-kredit)
7) O’rganilayotgan til mamlakatining adabiyoti (10-kredit)
8) Og’zaki va yozma nutq amaliyoti (20-kredit)

4-KURS
7-SEMESTR
1) Ingliz tilining kommunikativ praktikumi (10-kredit)
2) Ingliz tilini o’qitish metodikasi (20-kredit)
3) Rus tilini tilini o’qitish metodikasi (20-kredit)
8-SEMESTR
4) Pedagogik amaliyot (20-kredit)
5) Bitiruv malakaviy ish yoki bitiruv imtihoni (20-kredit)

Eslatma.
Barcha kreditlar Buyuk Britaniya ta’lim tizimida ro’yxatga olingan. O’qitish tiliga qarab, O’quv rejasida ozgina farqlar bo’lishi mumkin. Shu bilan birga, Universitet O‘quv rejasiga ayrim o‘zgartirish va qo‘shimchalar kiritish huquqiga ega.

PROFESSOR-O’QITUVCHILAR TARKIBI Batafsil ma’lumot ›

PROFESSOR-O’QITUVCHILAR TARKIBI Batafsil ma’lumot ›

Bekbaev Rauf Rustamovich ,
«Ta’lim va ta’lim jarayonlarini boshqarish» kafedrasi mudiri
Falsafa doktori (PhD) darajasi –
Mirzo Ulug‘bek nomidagi O‘zbekiston Milliy universiteti, 2023 y

Saidova Kamola Uskanboevna ,
«Ta’lim va ta’lim jarayonlarini boshqarish»  kafedrasi professori
Fan doktori (DSc) – Mirzo Ulug‘bek nomidagi O‘zbekiston Milliy universiteti, 2022 y

Mamajonova Shaxzodaxon Yokubjon qizi ,
«Ta’lim va ta’lim jarayonlarini boshqarish»kafedrasi o‘qituvchisi
Psixologiya magistri – Mirzo Ulug‘bek nomidagi O‘zbekiston Milliy universiteti, 2022 

Davydova Rufina Arturovna ,
«Ta’lim va ta’lim jarayonlarini boshqarish»  kafedrasi o‘qituvchisi
Falsafa magistri – Mirzo Ulug‘bek nomidagi O‘zbekiston Milliy universiteti, 2023 y

TA'LIM TO'LOV

O'quv yili uchun

 

 


Dasturlar

 

 


Ta’lim shakli 

 

 

O‘qish davomiyligi (o‘quv yili)

 To’lov-kontrakt miqdori
O‘ZBEK VA RUS TILIDAGI DASTURLAR INGLIZ TILIDAGI DASTURLAR
Mahalliy
talabalar uchun
(ming so’m)		 Xorijlik talabalar uchun
(USD)		 Mahalliy
talabalar uchun
(ming so‘m)		 Xorijlik talabalar uchun
(USD)
Filologiya va tillarni o’qitish  Kunduzgi 4 14 000 1 100 X X

*) O‘zbekiston hududidagi chet ellik talabalar o‘qish uchun to‘lovni to‘lov kunidagi O‘zbekiston Respublikasi Markaziy banki tomonidan belgilangan kurs bo‘yicha AQSh dollarida to‘laydilar. O‘zbekistondan tashqarida to‘lov AQSh dollarida, belgilangan miqdorda amalga oshiriladi.

O'qishning birinchi yiliga qabul

Kerakli hujjatlar:

  • Umumiy o‘rta ta’lim maktabini (11-sinf) yoki litsey/kollejni tamomlaganligi to‘g‘risidagi guvohnoma (transkript bilan)
  • Oq fonda 3×4 o’lchamdagi fotosurat

Akademik talablar:

Ichki imtihonni muvaffaqiyatli yakunlash:

Matematika;

Ingliz tilini bilish yoki ingliz tili sertifikatini taqdim etish (IELTS 5.0 yoki undan yuqori yoki ekvivalenti)

TIUE dasturlari uchun barcha abituriyentlar FAQAT UNIVERSITET RASMIY VEB-SAYTI ( www.tiue.uz ) orqali ONLAYN ariza topshirishlari kerak.

Filologiya madaniyat, muloqot va til imkoniyatlari olamiga eshikdir! Filologiya va tillarni o’rganish dasturimizga qo’shiling va bugungi dunyoda talab qilinadigan ko’nikmalarni o’rganing. Tillar, madaniyatlar va aloqalarni biluvchisiga aylaning va yangi ufqlarni kashf eting. Hoziroq murojaat qiling va tilshunoslik va til taʼlimi sohasida muvaffaqiyat sari yoʻlingizni boshlang!

APPLY NOWO`QISH UCHUN TO’LOVLAR